काठमाडौं । त्रिभुवन अन्तर्राष्ट्रिय विमानस्थलको आगमन टनेल गेटबाट अवैध रूपमा भन्सार छली ल्याएको सुनसहित एकजना पक्राउ परेका छन् ।

पक्राउ पर्नेमा सिन्धुपाल्चोकको हेलम्बु गाउँपालिका–७ घर भई काठमाडौं महानगरपालिका–६, कपन बस्ने ४४ वर्षीया पासाङ डोल्मा लामा छिन् । उनको साथबाट ५५० ग्राम सुन बरामद गरिएको प्रहरीले जनाएको छ ।

हिमालय एयरको उडानमार्फत दुबईबाट काठमाडौं आएकी उनको गतिविधि शंकास्पद देखिएको थियो । उक्त गेटमा खटिएको प्रहरीले जाँच गर्ने क्रममा भिस्त्री वस्त्रभित्र फल्सबटम बनाई लुकाई ल्याएको उक्त वस्तु फेला पारी पक्राउ गरिएको प्रहरीले जनाएको छ ।