जनकपुरधाम । मधेस प्रदेश सरकारले महोत्तरी जलेश्वरीकी कुमारी आमा निहारिका राजपुतलाई पाँच लाख रुपैयाँ सहयोग गर्ने निर्णय गरेको छ । शुक्रबार बसेको मन्त्रिपरिषद्को बैठकले उक्त निर्णय गरेको हो ।
 
प्रदेश सरकारका अर्थमन्त्री तथा प्रवक्ता शैलेन्द्रप्रसाद साहले न्यायाका लागि संघर्ष गरिरहेकी निहारिका राजपुतलाई कानुनी लडाईंका लागि उक्त सहयोग गरिएको जानकारी दिए ।
 
यसअघि निहारिकाले संघीय सरकारले दिने भनिएको पाँच लाख सहयोग अस्वीकार गरेकी थिइन् ।  निहारिकाले उच्च अदालत जनकपुरमा पुनरावेदन गरेको मुद्दामा बच्चा र आरोपी शिवराज श्रेष्ठको डीएनए जाँचको आदेश दिइसकेको छ ।
 
निहारिकाले आज नायिका करिष्मा मानन्धरविरुद्ध ससीआईबीमा मुद्दा दायर गर्ने तयारी गरेकी छन् । करिष्माले आफ्नो अनुमतिबिना तस्बिर सार्वजनिक गरेको उनको भनाइ छ । उनले दिएको २० हजार सहयोग रकम पनि फिर्ता गर्ने निहारिकाले तयारी गरेकी छन् ।