काठमाडौं । पछिल्लो २४ घण्टामा देशभर थप ९१५ जनामा कोरोनाभाइरसको संक्रमण पुष्टि भएको छ ।

६ हजार दुईवटा स्वाब नमुनाको परीक्षण गर्दा ९१५ जनामा संक्रमण पुष्टि भएको हो । यो संक्रमण संख्या चौथो लहर सुरु भएयता नेपालमा एकैदिन पुष्टि भएको सबैभन्दा धेरै हो ।

यो अवधिमा ३०१ जना कोरोना संक्रमणमुक्त भएका छन् ।

हाल देशभर कोरोनाका सक्रिय संक्रमितको संख्या पाँच हजार ४३३ पुगेको स्वास्थ्य तथा जनसंख्या मन्त्रालयले बुधबार जनाएको छ ।

हाल संक्रमणदर १५ प्रतिशतभन्दा बढी रहेको पनि मन्त्रालयले जनाएको छ ।