काठमाडौं । ललितपुरको बालकुमारीमा जीपको ठक्करबाट मोटरसाइकल चालकको मृत्यु भएको छ ।

गए राति करिब १० बजे कोटेश्वरबाट ग्वार्कोतर्फ जाँदै गरेको नम्बर नखुलेको जीपले सोही दिशातर्फ जाँदै गरेको बा९७प ३१४३ नम्बरको मोटरसाइकललाई ठक्कर दिएको थियो ।

दुर्घटनामा गम्भीर घाइते भएका मोटरसाइकल चालक काठमाडौंको दक्षिणकाली नगरपालिका–८ का ३१ वर्षीय आशीष लामाको उपचारका क्रममा ग्वार्कोस्थित बीएन्डबी अस्पतालमा मृत्यु भएको जनाइएको छ ।

मोटरसाइकललाई ठक्कर दिएर जीपसहित फरार भएका चालकको खोजी भइरहेको प्रहरी प्रभाग इमाडोलले जनाएको छ ।