काठमाडौं । उदयपुरको सदरमुकाम गाइघाटबाट सुनसरीको इटहरी जाँदै गरेको म्याजिक भ्यानमा अचानक आगलागी हुँदा पूर्णरुपमा क्षतिग्रस्त भएको छ । गाइघाटबाट इटहरी जाँदै गरेको म्याजिक भ्यानमा चौदण्डीगढी नगरपालिका ६ को अधिकारी होटलसँगैको उकालोमा अचानक आगलागी भएको स्थानीयले जनाएका छन् ।

आगलागीको खबर पाउने बितिकै चौदण्डीगढी नगरपालिकाबाट आएको दमकल, नेपाल प्रहरी, सशस्त्र प्रहरीले आगो नियन्त्रणमा लिएका थिए । ब्यापार गर्दै सुनसरीबाट उदयपुर आएका भ्यानका चालक एवं धनी मोतिराम खड्काको म्याजिक जल्दा भ्यानमा रहेको ४० कार्टुन थुक्पा बनाउने चाउमिनसमेत जलेर नस्ट भएको छ ।

म्याजिक भ्यानमा रहेका चालक खड्का र भ्यानमा सवार एक व्यक्ति सकुशल रहेका छन् । भ्यान पूर्णरुपमा जलेर नष्ट भएको छ ।