काठमाडौं । ललितपुरको बालकुमारी, खरिबोटमा जीपको ठक्करबाट स्कुटर चालकको मृत्यु भएको छ । एक युवती घाइते छिन् ।

ठक्करबाट गम्भीर घाइते भएकी स्कुटर चालक २३ वर्षीया रेखा मगरको उपचारका क्रममा ग्वार्कोस्थित बीएन्डबी अस्पतालमा मृत्यु भएको प्रहरीले जनाएको छ । चितवन घर भएकी रेखा ललितपुरकै झम्सीखेलमा बस्दै आएकी थिइन् ।

घाइते भएकी स्कुटरमा पछाडि सवार ललितपुरकै धोबीघाट बस्ने २३ वर्षीया सकुन्तला घर्तीको सोही अस्पतालमा उपचार भइरहेको छ ।

आज बिहान करिब सवा ३ बजे ग्वार्कोबाट कोटेश्वरतर्फ आउँदै गरेको बा४५प १३४५ नम्बरको स्कुटरलाई नम्बर नखुलेको जीपले ठक्कर दिएको थियो । दुर्घटनापश्चात् जीपसहित फरार भएका चालकको खोजी भइरहेको प्रहरी वृत्त सातदोबाटेले जनाएको छ ।