काठमाडौं । पाल्पामा बस दुर्घटना भएको छ । गुल्मीबाट बुटवलतर्फ आउँदै गरेको लु १ ख ५९५२ नम्बरको बस पाल्पाको लघुवामा दुर्घटना भएको हो । 

जिल्ला प्रहरी कार्यालय पाल्पाका अनुसार दुर्घटनाको खबर आउनसाथ प्रहरी टोली घटनास्थलतर्फ गएको छ । 

पाल्पाका डीएसपी विरेन्द्र थापाका अनुसार बस बाटोबाट तल खसेको छ । “हामी घटनास्थलमा पुगेका छौँ । केही हताहती भएको अनुमान छ तर पुष्टि गर्न सकिएको छैन । बाँकी विवरण संकलन गर्ने क्रममा छौँ,” उनले भने ।