काठमाडौं । कोभिड–१९ विरुद्धको दुवै डोज खोप लगाए पनि कतिपय अवस्थामा बुस्टर डोजसहितको विवरण आवश्यक पर्छ । दुई डोज खोप लगाएर लिएको प्रमाणपत्रमा बुस्टर डोज लगाएको विवरण कसरी थप्ने ? 

स्वास्थ्य तथा जनसंख्या मन्त्रालयले खोपसम्बन्धि सम्पूर्ण प्रक्रियाका लागि तोकेको साइट (https://vaccine.mohp.gov.np/)मा गएर ‘प्रमाणिकरणका लागि आवेदन फारम’ क्लिक गर्ने । त्यसपछि ‘प्रमाणिकरणको स्थिति’ बटनमा क्लिक गरी दर्ता नम्बर भर्ने र ‘खोज्नुहोस’ मा क्लिक गर्ने । त्यसपछि तलपट्टी देखाइएको ‘सर्च पेज’मा क्लिक गर्ने र खोज्नुहोस् भन्ने विकल्पमा दर्ता नम्बर वा परिचयको प्रकार र मोबाइल नम्बर राखी ‘खोज्नुहोस्’ मा क्लिक गर्ने । 

त्यसपछि तलपट्टी देखा परेको ‘अतिरिक्त डोज प्रविष्ट गर्नुहोस्’मा क्लिक गर्ने बुस्टर मात्रा खोप लगाएको भए ‘म यो प्रक्रियामा अगाडि बढ्न तयार छु’ बटनमा क्लिक गर्नुपर्छ ।  खुलेको फारमको खोप विवरणमा पहिलो र दोस्रो मात्रामा जस्तै ‘अतिरिक्त डोज सम्बन्धी जानकारी’ भर्ने र ‘अद्यावधिक गर्नुहोस्’ बटनमा क्लिक गर्नुपर्छ । त्यसपछि बुस्टर डोजको विवरणसहितको खोप प्रमाणपत्र तयार हुन्छ ।