काठमाडौं । प्रभु लाइफ इन्स्योरेन्स लिमिटेड र महालक्ष्मी लाइफ इन्स्योरेन्स लिमिटेडबीच मर्ज हुने भएका छन् । दुवै कम्पनीका प्रमुख मर्जरमा जान सम्झौता भएको हो ।

सम्झौतापत्रमा प्रभु लाइफ इन्स्योरेन्स लिमिटेडका तर्फबाट सञ्चालक समिति अध्यक्ष सुभाष अमात्य र महालक्ष्मी लाइफ इन्स्योरेन्सका तर्फबाट सञ्चालक समिति अध्यक्ष मनोरञ्जन रमण शर्माले हस्ताक्षर गरेका छन् ।

दुवै कम्पनीको स्वाप रेसियो १ः१ अनुपातमा एक–आपसमा गाभिनेछ । मर्जरपछि कम्पनीको नाम प्रभु महालक्ष्मी लाइफ इन्स्योरेन्स लिमिटेड रहनेगरी सम्झौता भएको प्रेस विज्ञप्तिमा उल्लेख गरिएको छ ।

मर्जरपछि सञ्चालक समितिको अध्यक्षमा हालका प्रभु लाइफका सुभाष अमात्य र प्रमुख कार्यकारी अधिकृतमा महालक्ष्मी लाइफका रमेशकुमार भट्टराई रहने सम्झौता भएको छ ।