काठमाडौं । पूर्वअर्थमन्त्री जनार्दन शर्मामाथि छानबिन गर्न बनेको संसदीय विशेष समितिको आज बसेको बैठकले भोलि (शुक्रबार) अर्थ मन्त्रालयका सचिव र राजस्व सचिवसँग छलफल गर्ने निर्णय गरेको छ । बिहीबार सिंहदरबारमा बसेको बैठकले अर्थ मन्त्रालयका पूर्वअर्थमन्त्री शर्मासँगबाट विषय कागज र विवरण नआएकाले ठोस एजेन्डामा छलफल हुन नसकेकोे समितिका सचिव सुरेन्द्र अर्यालले बताए ।

उनले बुधबार अर्थ मन्त्रालयलाई पूर्वअर्थमन्त्री शर्मासँग विषय कागज तथा विवरण माग गरे पनि नआएको र बिहीबार कार्यालय समयभित्र आउने अपेक्षा गरेको बताए । सचिव शर्माले समितिले तोकिएको समयमा नै छानबिन प्रतिवेदन तयार गर्ने दृष्टिकोणसहित  कार्यतालिका पास गरेको बताउँदै अब सात दिनभित्रै अध्ययन प्रतिवेदन लेख्नेगरी काम गर्ने सहमति भएको बताए । 

तत्कालीन अर्थमन्त्री शर्माले २०७९-०८० को बजेट बनाउने क्रममा अनधिकृत व्यक्तिलाई राति मन्त्रालयमा बोलाएर करका दर हेरफेर गरेको आरोप लागेसँगै ११ सदस्यीय संसदीय विशेष छानबिन समिति बनेको हो । छानबिन समिति बनेसँगै शर्माले अर्थमन्त्रीबाट राजीनामा दिएका थिए ।