काठमाडौं । पर्सामा स्रोत नखुलेको नगद २० लाख रुपैयाँसहित दुईजना पक्राउ परेका छन् । वीरगन्ज महानगरपालिका–१६, रजतजयन्ती चोकबाट स्रोत नखुलेको सो रकमसहित उनीहरू पक्राउ परेका हुन् ।

पक्राउ पर्नेहरूमा भारतको बिहार मोतिहारी रक्सोल बस्ने २८ वर्षीय संजीत कुमार र २४ वर्षीय अनुराग मिश्र रहेका छन् ।

बीआरओएसयू ३५०० नम्बरको मोटरसाइकललाई प्रहरीचौकी इनर्वाबाट खटिएको टोलीले जाँच गर्ने क्रममा मोटरसाइकलमा सवार उनीहरूलाई उक्त नगदसहित फेला पारी पक्राउ गरेको जनाइएको छ ।