विराटनगर । मोरङ व्यापार संघले स्थानीय तहमा निर्वाचित जनप्रतिनिधिलाई सम्मान गरेको छ । मोरङ–सुनसरी औद्योगिक कोरिडोरअन्तर्गत पालिकाका प्रमुखहरूलाई संघको कार्यालयमा आयोजित एक कार्यक्रमबीच सम्मान गरिएको हो । 

त्यस अवसरमा सुनसरीको दुहबी नगरपालिकाका नगरप्रमुख वेदनारायण गच्छदार, बुढीगंगा गाउँपालिकाका अध्यक्ष जितनारायण थापा र कटहरी गाउँपालिकाका अध्यक्ष देवराज चौधरीलाई संघमा स्वागत तथा सम्मान गरिएको हो । 

व्यापार संघका अध्यक्ष नवीन रिजाल, निवर्तमान अध्यक्ष प्रकाश मुन्दडालगायतले खादा ओढाएर स्वागत गरेका हुन् । कार्यक्रममा स्थानीय तहमा रहेका औद्योगिक क्षेत्रको विकासमा सहयोग गर्न आग्रह गरिएको थियो ।