काठमाडौं । उपप्रधान एवं अर्थमन्त्री विष्णु पौडेलले जलवायु परिवर्तनका कारण आर्थिक तथा सामाजिक समस्या सिर्जना हुन सक्ने भएकाले सजग हुनुपर्ने बताएका छन् । शनिबार काठमाडौंमा आयोजित जलवायु परिवर्तनसम्बन्धी सम्मेलनमा उनले नेपालमा जलवायु परिवर्तनको असर देखिन थालेको बताए ।

जलवायु परिवर्तन कुनै मुलुकविशेषको भन्दा पनि विश्वव्यापी साझा मुद्दा भएकाले सबै मिलेर समाधानको प्रयास खोज्नुपर्नेमा उनले जोड दिए ।

उनले आर्थिक, सामाजिक र पूर्वाधारका क्षेत्रमा जलवायु परिवर्तनले पार्न सक्ने असरबारे नेपालले सधैँ अन्तराष्ट्रिय मञ्चमा आफ्नो धारणा प्रस्तुत गर्दै आएको बताए ।

पूर्वाधारमा नयाँ प्रविधिको प्रयोग गरी जलवायुमैत्री विकास प्रक्रियालाई अघि बढाउनुपर्ने आजको आवश्यता रहेको उनले धारणा व्यक्त गरे । हिमालयन टेली भ्वाइस