काठमाडौं । नेकपा (माओवादी केन्द्र) का पूर्वस्थायी कमिटी सदस्य र प्रदेशका इन्चार्जहरूको छलफल जारी छ । आज बिहान ११ बजेका लागि तय भएको केन्द्र्रीय कमिटी बैठक स्थगन गरेर नेताहरू छलफलमा जुटेका हुन् । 

अध्यक्ष पुष्पकमल दाहाल प्रचण्ड निवास खुलमटारमा बैठक जारी रहेको उनका स्वकीय सचिव रमेश मल्लले जानकारी दिए । आइतबारबाट सुरु भएको केन्द्रीय कमिटी बैठकमा आज उठेका प्रश्नहरूमाथि प्रचण्डले जवाफ दिने तयारी भएको थियो । 

तर, तयारी नपुगेको भन्दै आजको बैठक स्थगित भएको मल्लले जानकारी दिए । बैठक भोलि दिउँसो १ बजेका लागि बोलाइएको छ ।