काठमाडौं । पेट्रोलियम पदार्थको मूल्यवृद्धिको विरोधमा एमालेको भ्रातृ संगठन युवा संघले प्रदर्शन गरेको छ । बिहीबार काठमाडौंको नयाँ बानेश्वरमा युवा संघले मसाल जुलुस निकालेर प्रदर्शन गरेको हो ।

प्रदर्शनका क्रममा सरकारी गाडी तोडफोड भएपछि प्रहरीले हस्तक्षेप गरेको थियो । त्यसपछि केहीबेर प्रहरी र प्रदर्शनकारबीच झडपसमेत भएको थियो । झडपका क्रममा केही प्रदर्शनकारी घाइते भएका छन् ।

प्रदर्शनकारीले 'मूल्यवृद्धि फिर्ता गर, प्रधानमन्त्री राजीनामा दे' लगायतका नारा लगाएका थिए । सरकारले पेट्रोलियम पदार्थमा चर्को मूल्यवृद्धि गरेको भन्दै युवा संघ आन्दोलनमा उत्रिएको हो ।

तस्बिरहरू : अभिषेक महर्जन/बाह्रखरी