काठमाडौं । जिल्ला अस्पताल गुल्मीले बिरामीको स्वास्थ्य विवरण इलोक्ट्रोनिक मेडिकल रेकर्ड ईएमआर सिस्टमबाट राख्ने व्यवस्था गरेको छ ।

साथै अस्पतालले सरकारी स्वास्थ्य बिमामा आवद्व बिरामीहरूको इलिजिबिलिटी अर्थात् बाँकी बिमा सुविधा रकम हेर्ने सकिने र बिमा दाबी पनि ईएमआर सफ्टवेयरमार्फत गर्ने व्यवस्था गरेको छ ।

यो सुविधाले रोगको निदान र उपचारको गुणस्तर बढाउने अस्पतालले जनाएको छ । त्यसैगरी अस्पतालले बिरामीहरूको सहजतालाई मध्यनजर गर्दै अनलाइन अपोइन्टमेन्ट र पोर्टल सेवा पनि सुचारु गर्ने तयारी गरेको छ ।

यसमार्फत बिरामीहरूले अस्पतालमा कार्यरत आफुले चाहेको डाक्टरसँग मोबाइल वालेटमार्फत घरमै बसेर अपोइन्टमेन्ट लिनसक्ने गर्न र परामर्श शुल्क भुक्तानी गर्न सक्नेछन् ।