काठमाडौं । तार एयरको जहाज दुर्घटनामा परी मृत्यु भएकामध्ये २१ जनाको शव फेला परेको छ । बाँकी एकजनाको खोजी कार्य जारी छ ।
 
१० जनाको शव हेलिकोप्टरमार्फत कोवाङ झारिएको छ । आइतबार तारा एयरको जहाज दुर्घटनामा परेको थियो । दुर्घटना हुँदा विमानमा सवार सबै यात्रुको मृत्यु भएको बताइएको छ ।

सुरक्षा टोलीले २१ शव संकलन गरेको प्रहरीले जनाएको छ । सुरुमा सबै शव कोवाङ झारिने र मौसमले साथ दिए आजै काठमाडौं ल्याउने तयारी छ । शव ल्याउनका लागि हेलिकोप्टर तयारी अवस्थामा राखिएको छ ।
 
शवलाई त्रिभुवन अन्तर्राष्ट्रिय विमानस्थलबाट त्रिवि शिक्षण अस्पतालमा पोष्टमार्टमका लागि लगिनेछ । 

कोवाङमा सबै शव संकलन गरेपछि काठमाडौं ल्याइनेछ । आइतबार बिहान पोखराबाट जोमसोमका लागि उडेको जहाज मुस्ताङको थुसाङ गाउँपालिका–२ सानसुरे भीरमा ठोक्किएर दुर्घटना भएको हो ।