काठमाडौं । महालक्ष्मी लाइफ इन्स्योरेन्सले बिमा समितिले तोकेको न्यूनतम चुक्ता पुँजी मर्जरबाट पूरा गर्ने भएको छ । बिमा समितिले गत चैतमा बिमा कम्पनीको न्यूनतम चुक्ता पुँजी वृद्धि गरेर जीवन बिमाको २ अर्ब बाट ५ अर्ब निर्जिवन बिमा कम्पनीको १ अर्बबाट साढे २ अर्ब पुर्याउँदै सबै कम्पनीलाई पुँजी वृद्धि योजना १ महिजाभित्र पेश गर्न निर्देशन दिएको थियो । जस अनुसार कम्पनीले मर्जरबाट नै पुँजी वृद्धि गर्ने योजना बिमा समितिमा पेश गरिएको कम्पनीका प्रमुख कार्यकारी अधिकृत रमेश कुमार भट्टराईले बताए ।

“महालक्ष्मी लाईफ ईन्स्योरेन्सको पुँजी योजना वैशाख ८ गते बीमा समितिमा पेश भएको छ । १३० करोड जनसंख्या भएको भारतमा २४ वटा जीवन र २३ वटा निर्जिवन बिमा कम्पनी रहेका छन् । तीन करोड जनसंख्या रहेको नेपालमा १९ वटा जीवन र २० वटा निर्जिवन बिमा  कम्पनि धेरै नै हो,” भट्टराईले भने, “बिमा कम्पनीहरूलाई जोखिमको आधारमा पुँजीगत रुपमा बलियो बनाउन, संचालन खर्च कम गरी प्रतिफलमुखी बनाउन, स्वस्थ प्रतिस्पर्धा गराउन र दक्ष जनशक्तिमार्फत गुरस्तरीय सेवा प्रदान गर्न तथा गराउन जीवन  र निर्जिवन दुबैलाई १०/१० वटाको संख्या भित्र ल्याउन जरुरी छ । यसका लागि मर्जर नै उत्तम विकल्प हो । फोर्स मर्जरको लागि र नयाँ कम्पनीको लाइसेन्स रोक्न पुँजी वृद्धि नै प्रभावकारी टुल्स हो ।” 

उनले पुँजी वृद्धि योजना समितिमा पेश गरेसँगै कार्य योजनामा समितिमा बिस्तृत छलफलपछि छिटो कार्यान्वयनको लागि ८ गते साझा संचालक समितिको बैठकले विशेष साधारणसभा गर्ने निर्णय गर्दै वैशाख २५ गतेका लागि विशेष साधाराणसभा बोलाएको बताए । विशेष साधारणसभा कम्पनीको पुँजी वृद्धि गरी अधिकृत पुँजी ५ अर्ब र जारी पुँजी ३ अर्ब पुर्याउने र सोही अनुसार प्रबन्धपत्र र नियमावलीमा संशोधन गर्ने विशेष प्रस्ताव रहेको छ ।

यस्तै, कान्छो जीवन बिमा कम्पनीको रूपमा रहेको महालक्ष्मी लाइफले सार्वजनिक निस्कासन (आईपीओ)  निषकासन गर्न बाँकी रहेकोले याे प्रस्ताव पनि विशेष साधारणसभामा लैजने भएको छ । यस्तै मर्जरको लागि छलफल चलिरहेकोले उपयुक्त पार्टनरसँग मर्जरको लागि सहमति गर्ने अख्तियारी सञ्चालक समितिलाई दिने प्रस्ताव समितिमा पेश गरेको छ ।

आजको आवस्यक्ता र बिमा समितिको चाहना बुझेर महालक्ष्मी लाइफ ईन्स्योरेन्सले  मर्जर सँगै स्पष्ट कार्य योजनासहितको पुँजी वृद्धि  योजना वैशाख ८ गते बीमा समितिमा बुझाएको उनले बताए ।

कम्पनीको ३/४ वटा जीवन बीमा कम्पनीहरूसँग मर्जरका लागि अनौपचारिक छलफल पछि मर्जरको सम्भावनालाई लिएर पुँजी वृद्धि योजनाको रोडम्याप अनुसार सूचना प्रकाशित गरिएको उनले बताए ।