किभ । ब्ल्याक सीमा गम्भीर क्षति पुगेको रुसी युद्धपोत चालकदलको बिहीबार उद्धार गरिएको छ ।

रुसले आगलागीका कारण जहाजमा क्षति पुगेको र चालकदलका सदस्यहरूलाई उद्धार गरिएको पुष्टि गरेको छ । तर, कारणबारे अनुसन्धान भइरहेको जनाएको छ ।

युक्रेनले रुसको ब्ल्याक सी युद्धपोत ‘मोस्कभा’माथि दुईवटा क्रुज मिसाइल प्रहार गरेको र ठूलो क्षति पुगेको दाबी गरेको छ । ब्ल्याक सीको बन्दरगाह सहर ओडेसाका गभर्नर म्याक्सिम मार्चेन्कोले युक्रेनी मिसाइल प्रहारबाट रुसी युद्धपोतमा गम्भीर क्षति पुगेको दाबी गरेका हुन् ।

तर, यसबारेमा युक्रेनी रक्षा मन्त्रालयले कुनै प्रतिक्रिया नदिएको र आफूले दुवै पक्षको वक्तव्यलाई पुष्टि गर्न समर्थ नभएको रोयटर्सले जनाएको छ । रोयटर्स र अलजजिराबाट ।