वासिङटन । अमेरिकी राष्ट्रपति जो बाइडेनेको प्रशासनले बुधबार युक्रेनलाई रुसविरुद्ध लड्न करिब ७५ करोड डलर बराबरको सैन्य हतियार सहयोग गर्ने भएको छ ।

 ती उपकरणहरूलाई (प्रेसिडेन्सियल ड्रनडाउन अथोरिटी) पीडीए कोषमार्फत आर्थिक भर्पाइ गरिने छ । जसमा राष्ट्रपतिले अमेरिकासँग स्टकमा भएका हतियार र सेवाहरू आपतकालीन अवस्थामा संसद्को स्वीकृतिविना नै प्रदान गर्न सक्छन् । 

यसमा कुन कुन हतियार मिसाउने भन्नेबारे अन्तिम चरणको निर्णय भएको एक वरिष्ठ अधिकारीहरूले जानकारी दिएका छन् ।

यसमा सम्भावित ‘हेभी ग्राउन्ड आर्टिलरी’ हुने बताइएको छ जसमा ‘होविट्जर’ पनि रहेको छ । होविट्जर एउटा लामो रेन्जको सानो र द्रुत गतिमा काम गर्ने हतियार हो, जसले सजिलै टार्गेटलाई ध्वस्त पारिदिन सक्छ । 

तत्काल ह्वाइटहाउसले यसबारे कुनै प्रतिक्रिया दिएको छैन । तर, गत हप्ता यसले युक्रेनलाई सुरक्षा सहायता अनुरूप १.७ अर्ब डलर प्रदान गरिसकेको जानकारी दिएको थियो । 

युक्रेनका राष्ट्रपति भोलोदमिर जेलेन्स्कीले अमेरिका र युरोपेली नेताहरूलाई धेरै भन्दा धेरै हतियार सहयोग गर्न बारम्बार दबाब दिइरहेका छन् । 

रोयटर्सबाट ।