काठमाडौं । पर्यटन व्यवसायीको सबैभन्दा पुरानो छाता सङ्गठन नेपाल एशोसियशन अफ टुर एण्ड ट्राभल्स एजेन्टस् (नाट्टा)को अध्यक्षमा रमेश थापा विजयी भएका छन् ।  

नाट्टाको बिहीबार सम्पन्न ५५औँ वार्षिक साधारणसभा एवं २३औँ निर्वाचनको आज बिहान सम्पन्न मतपरिणामअनुसार अध्यक्षका प्रत्यासी विनय बस्नेतलाई पराजित गर्दै थापा विजयी भएका हुन् ।   

वरिष्ठ उपाध्यक्षमा प्रमोद ढकाल, उपाध्यक्षमा वरुण मेहता, महासचिवमा कुमारमणि थपलिया, सचिवमा युविका भण्डारी, कोषाध्यक्षमा राजकुमार देवकोटा र सहकोषाध्यक्षमा गीता ढकाल निर्वाचित भएका छन् ।  

सदस्यमा विष्णु पाण्डे, ढकनाथ काफ्ले, नमराज भेटवाल, पर्शुराम घिमिरे, रामशोभित नायक, सवला भण्डारी, डेन्डी शेर्पा र श्रद्धा जोशी विजयी भएका छन् ।