काठमाडौं । श्रीमतीको हत्या गरेको आरोपमा एक श्रीमान् पक्राउ परेका छन् । 

४४ वर्षीया श्रीमती सुकुमाया तामाङलाई  चिर्पट र ढुंगा प्रहार गरी हत्या गरेको आरोपमा सिन्धुपाल्चोकको चौतारा साँगाचोकगढी नगरपालिका–१, स्याउलेका ४४ वर्षीय दाउरे भनिने मेखबहादुर तामाङलाई प्रहरीले पक्राउ गरेको हो ।

घरायसी विवादका क्रममा तामाङले चिर्पट र ढुंगा प्रहार गर्दा श्रीमती सुकमाया गम्भीर घाइते भएकी थिइन् । घाइते सुकुमायाको जिल्ला अस्पताल चौतारामा उपचारको क्रममा मृत्यु भएको जनाइएको छ ।