काठमाडौं । सर्लाहीको पर्सा गाउँपालिका–३, नारायणपुरचोकमा ट्याक्टरको ठक्करबाट एक बालकको मृत्यु भएको छ ।

स्थानीय जोगिन्द्र साहका दुई वर्षीय छोरा रितिकको मृत्यु भएको हो । ठक्करबाट घाइते भएका उनको उपचारका क्रममा प्रादेशिक अस्पताल मलंगवामा बिहीबार बेलुका साढे ७ बजे मृत्यु भएको जनाइएको छ ।

प्रदेश २ ०३००१ त २४३९ नम्बरको ट्याक्टरले हिजो साँझ करिब सवा ६ बजे घरअगाडि बालकलाई ठक्कर दिएको थियो । ठक्करपश्चात् चालक फरार रहेकाले खोजी भइरहेको प्रहरीचौकी नारायणपुरले जानकारी दिएको छ ।