काठमाडौं । साविक विजेता बोरुसिया डर्टमण्ड मंगलबार राति दोस्रो श्रेणी लिगको क्लब सेन्ट पाउलीसँग २–१ ले पराजित हुँदै जर्मन कप अन्तिम–१६ बाट बाहिरिएको छ । 

बुन्डेसलिगा–२ को शीर्ष स्थानमा रहन सफल सेन्ट पाउलीले चौथो मिनेटमै इटिने अमेनीडोको गोलबाट अग्रता लिएको थियो । ४०औं मिनेटमा एक्सेल विटसेलले आत्मघाती गोल गरेपछि सेन्ट पाउलीले अग्रता दोब्बर बनाएको थियो । 

५८औं मिनेटमा इर्लिङ ब्राउट हालान्डको गोलबाट डर्टमण्डले पुनरागमनको प्रयास गरे पनि सफल हुन सकेन । 

‘‘अविश्सनीय ! हामीले साविक विजेता डर्टमण्डलाई हराउँदै क्वार्टरफाइनलमा स्थान बनाउन सफल भयौं । अचम्मित नतिजा,’’ सेन्ट पाउलीको आफ्नो ट्विटरमा लेखेको छ ।

डर्टमण्डसँगै बुन्डेसलिगाको अर्को क्लब मेइन्ज पनि अन्तिम–१६ बाटै बाहिरिएको छ । मेइन्ज बुन्डेसलिगाकै अर्को क्लब बोचुमसँग ३–१ ले पराजित भएको हो । ह्यामबर्गर एसभीले कोलनलाई पेनाल्टी सुटाआउटमा ४–३ ले हरायो ।