स्याङ्जा । चक्कु प्रहार गरी हत्या गरेको अभियोगमा प्रहरीले एकजनालाई प्रक्राउ गरेको छ । वालिङ नगरपालिका १० भकुण्डे डेरा गरी बस्ने पर्वत पैयु गाउँपालिका ५ घर भएका ३३ वर्षीय जितेन्द्र गुरुङलाई प्रहरीले पक्राउ गरेको हो ।  

जितेन्द्रले वालिङ नगरपालिका १० भकुण्डे डेरा गरी बस्ने सोही नगरपालिका १२ सिर्सिबोट घर भएकी रनमाया गुरुङको छोरा १६ महिनाको साईमन गुरुङ र उनकै छोरी ५ वर्षीया साईना गुरुङलाई चक्कु प्रहार गरेका थिए । 

चक्कु प्रहारबाट गम्भीर घाइते भएका साईमन गुरुङको प्राथमिक स्वास्थ्य केन्द्र वालिङमा उपचारको क्रममा मृत्यु भएको हो भने साईना गुरुङको सोही स्वास्थ्य केन्द्रमा उपचार भइरहेको छ ।