काठमाडौं । नेपाली कांग्रेसको १४औँ महाधिवशेनअन्तर्गत नयाँ नेतृत्व चयनका लागि मतपत्र मतदान केन्द्रमा पुर्‍याइएको छ । आज बिहान करिब सवा ११ बजे मतपत्र आइपुगेको केन्द्रीय निर्वाचन समितिका एक सदस्यले जानकारी दिए ।

कांग्रेसको नयाँ नेतृत्व चयनका लागि आज बेलुका ५ बजेसम्म मतदानको समय निर्धारण गरिएको छ । तीनवटा केन्द्रमार्फत मतदानको व्यवस्था मिलाइएको छ ।

काठमाडौंको राष्ट्रिय सभागृह र भृकुटीमन्डपमा मतदान केन्द्र तोकिएको छ । मतदाताहरू लाइनमा छन् । मतदानपश्चात् आजै मतगणना सुरु गर्ने तयारी छ ।