site stats
बाह्रखरी :: Baahrakhari
देश
Global Ime bankGlobal Ime bank
प्रदेश १ : यातायात कार्यालय इटहरीमा मन्त्री कार्कीको ‘सरप्राइज’ अनुगमन

विराटनगर । प्रदेश १ का भौतिक पूर्वाधार विकास मन्त्री हिमाल कार्कीले सुनसरीस्थित यातायात कार्यालयमा ‘सरप्राइज’ अनुगमन गरेका छन् । 

मन्त्रालको सानो टिम लिएर बुधबार अपराह्न यातायात कार्यालय पुगेका उनले सेवाग्राहीसँग आफ्नो परिचय नदिई नै सेवाको गुणस्तर र अनि भोग्नु परेको समस्याबारे जानकारी लिएका हुन् । कार्की यातायात कार्यालय पुग्दा सेवाग्राहीको बाक्लै उपस्थिति थियो । कर्मचारीहरू आफ्नै सुरमा काम गरिरहेका थिए । 

कार्कीले इटहरीको हलगडास्थित यातायात कार्यालयको र गैसारस्थित सवारी चालक अनुमतिपत्र वितरण तथा नवीकरण हुने कार्यालयको निरीक्षण गरेका हुन । मन्त्री कार्कीले आफैँ विभिन्न फाँटमा पुगेर त्यहाँ कार्यरत कर्मचारीसँग भेटघाट सेवाग्राहीलाई सहज ढंगले सेवा प्रदान गर्न कानुनी रूपमा भएका झन्झट, उपलब्ध साधन स्रोतको पहुँच र सेवाग्राहीको चापको विषयमा जानकारी लिए । उनले सेवाग्राहीसँग पनि समस्याबारे जानकारी लिएका थिए । 

मन्त्री कार्कीले जनभावना बुझेर सेवा दिन कर्मचारीलाई निर्देशन दिए । उनले भने, “कानुनी जटिलता भए प्रदेश सरकार त्यसलाई संशोधन गर्न पनि तयार छ । तर सेवाग्राहीलाई सहज हुने गरी काम हुनुपर्‍यो ।” मन्त्री कार्कीले यातायात कार्यालय प्रदेश सरकारसँग जोडिएको निकाय भएकोले पनि यसको विषयमा हुने गरेको टिकाटिप्पणीको अन्त्य हुनुपर्नेमा जोड दिए ।

यातायात कार्यालयका निमित्त कार्यालय प्रमुख प्रेमप्रसाद सापकोटाले सेवाग्रहीको चाप अत्यधिक हुने गरेको तर आफूहरूले सकेसम्म छिटो र छरितो ढंगको सेवा दिने प्रयास गरेको बताए । उनले कार्यालयभित्र दलालहरुलाई प्रवेशमा रोक लगाइएको मन्त्री कार्कीलाई जानकारी गराए । गैसारमा कार्यालय सारेपछि सेवाग्राहीलाई पर्याप्त क्षेत्रफल भएका कारण सहज भएको बताउँदै उनले भने,“पहिलेको कार्यालय रहेको स्थानमा पाकेटमारी हुने जस्ता समस्या रहेको र अहिले अलिकति टाढा भएपनि गैसारमा त्यो समस्या देखिएको छैन ।”

यातायातका इटहरीस्थित दुवै कार्यालय अहिले भाडामा संचालनमा छन् । सरकारले इटहरीमै आफ्नो संरचना निर्माण गरिरहेको छ । त्यो केही समयपछि तयार हुने र यातायातका सबै सेवा त्यहीँबाट सुरु हुने कार्कीले बताए । 

प्रकाशित मिति: बुधबार, मंसिर २२, २०७८  १८:१७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro