काठमाडौं । लोकसेवा आयोग विधेयक राष्ट्रियसभाबाट पारित भएको छ । नेकपा एमालेका सदस्यहरुको अवरोधबीच लोकसेवा आयोग विधेयक बहुमतबाट पारित भएको हो । 

प्रधानमन्त्री शेरबहादुर देउवाका तर्फबाट कानुन न्याय तथा संसदीय मामिला मन्त्री ज्ञानेन्द्रबहादुर कार्कीले प्रतिनिधिसभाबाट सन्देशसहित प्राप्त लोकसेवा आयोग विधेयक पारित गरियोस् भनी प्रस्ताव राखेका थिए । 

सरकारका तर्फबाट कार्कीले राखेको प्रस्ताव बहुमतबाट पारित भएको हो । प्रतिनिधिसभाबाट यसअघि नै पारित भएको विधेयक अव राष्ट्रपतिले प्रमाणीकरण गरेपछि ऐन बनेर लागु हुने छ ।