काठमाडौं । तनहुँको  बन्दीपुर गाउँपालिका–१, स्याउली, चिसापानीमा ट्याक्टर पल्टिँदा चालकको मृत्यु भएको छ । परिचालक सामान्य घाइते छन् ।

गए राति करिब साढे १० बजे ग१त ३१ १६ नम्बरको ट्याक्टर अनियन्त्रित भई सडकमै पल्टिएको थियो ।

दुर्घटनामा घाइते भएका चालक सोही ठाउँका २३ वर्षीय सुदीप कपाली र परिचालक ३५ वर्षीय मादप विकलाई उपचारका लागि लक्ष्मी अस्पताल डुम्रे पठाइएको थियो । उपचारकै क्रममा कपालीको मृत्यु भएको इलाका प्रहरी कार्यालय डुम्रेले जानकारी दिएको छ ।