काठमाडौं । नेपाल धितोपत्र बोर्ड (सेबोन)ले सर्वोत्तम सिमेन्टको सेयर खरिद प्रकरणमा अध्यक्ष भीष्मराज ढुंगानाले पदीय दायित्वविपरीत काम नगरेको दाबी गरेको छ ।

आइतबार प्रतिनिधिसभाअन्तर्गतको अर्थ समितिको बैठकमा बोर्डले सर्वोत्तम सिमेन्ट धितोपत्र बोर्डको नियमनभित्र नआइसकेको पनि जनाएको छ । अध्यक्ष ढुंगानाको विवाहिता छोरीले कम्पनीको सेयर खरिद गरेको र बोर्ड कर्मचारी सेवा, सर्त नियमावली ६८ को नियम २ (झ) मा भएको व्यवस्थाले विवाहिता छोरीलाई परिवारभित्र नराखेको बोर्डले जनाएको छ ।

सोही व्यवस्थाअनुसार अध्यक्ष ढुंगानाको छोरीले सर्वोत्तम सिमेन्टको सेयर खरिद गरेको र त्यसमा अध्यक्षलाई मुछिनु तथ्यहीन र भ्रमपूर्ण मात्र रहेको जनाएको छ ।

समितिको बैठकमा सोधिएको प्रश्नमा अध्यक्ष ढुंगाना उपस्थित भए पनि बोर्डका उपकार्यकारी निर्देशक नवराज अधिकारीले त्यसको जवाफ दिएका थिए ।

त्यसपछि सांसद रामकुमारी झाँक्रीले कानुुनी रूपमा सही होला, तर नैतिक रूपमा ठिक छ ? भनी प्रश्न गरेकी थिएन् । उनले बोर्डका अध्यक्ष, नेप्सेका प्रमुख कार्यकारी अधिकृत र बोर्ड सञ्चालकमाथि उठेको प्रश्न स्पष्टीकरणले मात्रै पुग्छ ? भनी प्रश्न पनि गरिन् ।