काठमाडौं । झापामा तास खेलिरहेको अवस्थामा ६ जना पक्राउ परेका छन् । शनिबार अपराह्न एक लाख ६० हजार रुपैयाँ नगदसहित प्रहरीले उनीहरुलाई नियन्त्रणमा लिएको हो ।

३२ वर्षीय पदम लिम्बूले दमक नगरपालिका–८ मा सञ्चालन गरेको पेरुङगो होटेलको दोस्रो तलाको कोठामा तास खेलिरहेको अवस्थामा लिम्बूसहित ६ जना पक्राउ परेका हुन् । इलाका प्रहरी कार्यालयबाट खटिएको टोलीले उक्त नगदसँगै तीन बुक ताससमेत बरामद गरेको छ ।

पक्राउ परेकाहरुलाई आवश्यक कानुनी कारबाहीको लागि इलाका प्रहरी कार्यालय दमकमा राखिएको जिल्ला प्रहरी कार्यालय झापाका प्रवक्ता राकेश थापाले जानकारी दिए ।