काठमाडौं । नेपालमा खेलभन्दा धेरै खेल संघ छन् । यो विषय नेपाली खेलकुदमा नयाँ भने होइन । त्यसमा केही संघहरूमात्र सक्रिय छन् । त्यस्तै सक्रिय संघमा पर्छ नेपाल बक्सिङ संघ । तर, बक्सिङ संघले पछिल्लो समय गरिरहेका क्रियाकलापहरू नै खेलाडीका लागि घातक छन् । 

खेलाडीबाट मेडलको आशा गर्ने बक्सिङ संघले अन्तर्राष्ट्रिय प्रतियोगितामा सहभागी हुने खेलाडीमाथि लापरवाही गरेको देखिएको छ । यसैको एउटा उदारण हो एसियन बक्सिङ च्याम्पियन्सीपमा खेलाडीको सहभागिता गराउने कुरामा भएको लापरवाही । 

बक्सिङ संघले गत चैत २९ देखि ३१ सम्म एसियन च्याम्पियन्सीपमा सहधभागिता जनाउने खेलाडीको छनोट गर्यो । जसमा संघ दर्शक थियो भने खेलाडीले आफ्नै खर्चले छनोटको योजना गरेका थिए । आफ्नै पैसाले छनोट खेल खेलेर एसियन च्याम्पियन्सीप खेल्न जाने सपना बुनेका ७ जना खेलाडी हाल अन्योलमा छन् । 

बक्सिङ संघले कोरोना महामारीको अवस्था र अन्तर्राष्ट्रिय उडान बन्द भएको थाहा हुँदाहुँदै पनि कुनै पहल थालेन । बक्सिङ संघका प्रवक्ता श्याम अवालेले यो विषयमा राष्ट्रिय खेलकुद परिष्द (राखेप)मा वैशाख २६ गते नै पत्रासहित जानकारी गराएको बताए । तर, राखेपमा भने त्यस्तो किसिमको कुनै पात्र गएको थिएन । 

बक्सिङ संघका अध्यक्ष राम अवालले भने १९ तारिखमा राखेप सदस्य सचिव रमेस सिलवाललाई फोन गरे ।

प्रतियोगिताको जानकारी भएर पनि चुप लागेर बसेको बक्सिङ संघ प्रतियोगिता सुरु हुने तीन दिनअघि प्रतियोगितामा खेलाडी सहभागि गराउने कुरामा सक्रियता देखाउन थाल्यो । 

अध्यक्ष अवालेको फोनको जवाफमा राखेप सदस्य–सचिव सिलवालले यस्तो अवस्थामा तीन दिनअघि मात्र सूचना दिनु गलत भएको जवाफ दिए । जवाफसँगै उनले आफूहरूलाई फ्लाइट डिटेलसँगै कागज पत्र उपलब्ध गराएर अनुमति दिने पनि बताए । नभए अन्य कुनै बाटो अपनाएर देखाउने आश्वासन दिए ।  

तर, बक्सिङ संघसँग न कुनै कागज पत्र थियो न कुनै फ्लाइट डिटेल र तयारी नै । खेलाडीलाई पठाउने कुरामा आलटाल गरेको बक्सिङ संघलाई सदस्य–सचिवको कुराले झनै राहात मिल्यो । खेलाडी जान नपाउने पक्का भयो ।  

भोलिपल्ट बक्सिङ संघका प्रवक्ता श्याम अवालेको विज्ञप्ति ओयो । विज्ञप्तिमा लेखिएको थियो, “खेलाडी जान असहज भएको विषयमा हामीले राखेप, एसिन बक्सिङ एएसबीसीमा जानकारी गराई सकेका छौं ।”

नेपालमा कोरोना महामारीको लहर पहिले देखिनै चलेको थियो । वैशाख १६ गतेदेखि सरकारले लकडाउन गरेको र अन्तर्राष्ट्रि उडान वैशाख २२ गतेबाट बन्द भएको सबै कुरा संघका अध्यक्षदेखि पदाधिकारीलाई जानकारी गराएका थिए । 
तर, संघका अध्यक्षदेखि पदाधिरी मात्र प्रतियोगिता हुनुभन्दा दुई दिनअघि सक्रिय बने । 

“मैले प्रतियोगिता हुनुभन्दा तीन दिनअघि मात्र जानकारी पाए । मैले फ्लाइट डिटेल र अन्य कागजपत्र लिएर अफिस या आफ्नो घरमा आउन भने । तर, उहाँहरूको कुनै प्रकारको तयारी थिएन,” सदस्य–सचिव सिलवालले बाह्रखरीसँग कुराकानीमा भने । 

उनले बक्सिङ संघले आफूहरूलाई केहीदिन अघि जानकारी गराएमा स्वास्थ्य सामग्री लिन गएको कुनै पनि एयरलाइन्समा खेलाडीलाई पठाउन सक्ने बताए । हाल नेपालबाट अन्तर्राष्ट्रिय उडानमा समस्या छ । नेपाललाई कडाई गरिएको छ । 

“अहिलेको समय र यस्तो कुरामा बक्सिङ संघले लापरवाही गरेको नै हो । यदि उहाँहरूले राखेपमा २६ गते पत्र पठाएको भन्नु भएको हो भने हामी उहाँहरूलाई कारवाही गर्नेछौं,” सदस्य–सचिव सिलवालले भने । 

यता, खेलाडीहरू भने आफ्नो पहल गरिदिन दिनदिनै गुहारिरहेका छन् । उनीहरू लामो समयपछि हुने ठूलो अन्तर्राष्ट्रिय प्रतियोगितामा सहभागिता जनाउन पाउने आशा अझै नमरेको बताउँछन् । 

“हामी प्रतियोगितामा अझै सहभागिता जनाउन पाउने आशा छ । लामो समय भने अन्तर्राष्ट्रिय प्रतियोगिता खेल्न नपाएको । नेपालमाभन्दा भारतमा कोरोनाको महामारी धेरै छ उनीहरू भारतबाट दुबई जान सक्छन् भने हामी नेपालबाट जान किन सकेनौं ?,” प्रतियोगिता खेल्न जाने तयारी गरेका सागका स्वर्ण विजेता खेलाडी शनिल शाहीले बाह्रखरीसँग भने । 

यता, बक्सिङ संघसँग दुईवटा मात्र विकल्प छ । या त खेलाडीलाई चार्टर फ्लाइटमा दुबई पठाउने यता त २२ घण्टाको बस यात्रा गराएर भारतीय खेलाडीसँग दुबई पठाउने । यो दुबै प्रक्रिया सम्भव छ तर संघसँग त्यति धेरै आर्थिक भार उठाउन सक्ने अवस्था छैन । नत कुनै कागजी प्रक्रिया नै । 

यस्तै घटना भारतमा भएको थियो ‘सेकेन्ड इन्डियन ओपन बक्सिङ च्याम्पियन्सीप’ २०१९ मा । प्रतियोगिता हुनु दुई दिनअघि मात्र संघले खेलाडीलाई काठमाडौं हुँदै झापा हुँदै भारतको गहुवाटीमा बस र रेलको यात्रा गराएको थियो । सुस्त तयारी र अन्योलको वातावरणलाई खेलाडीको मानशिकतामा असर पर्छ नै त्योभन्दा ठूलो खेलाडीको भविश्यमा । संघ त यसै लाचार छ ।