काठमाडौं ।  वैशाख १, २०७८ का दिन बिहान ८ बजे प्रधानमन्त्रीले राष्ट्रको नाममा सम्बोधन गरे । सो सम्बोधनमा प्रधानमन्त्रीले देशमा सरकारले के के गर्‍यो भनेर आफ्नै तारिफका पुल बाँधे । यिनै कुरा गरेर आफ्नै तारिफका पुल उनले लामै बाँधेका थिए गत फागुन ३ गते उनको सरकारको तीनवर्ष सम्पन्न भएको उपलक्ष्यमा पनि । 

नेपालमा विकास निर्माणका कामहरू नभएका होइनन् भएका छन् । २०७२ सालको भूकम्पपछि नष्ट भएका संरचनाहरूको पुनःनिर्माणका काममा निकै प्रगति भएको छ । 

रानीपोखरी र धरहरा राम्रा बनेका छन् । राजधानीको दरबार हाइस्कूलसहित देशैभर धेरै विद्यालय भवनहरू बनेका छन् । 

बाटो घाटो, पक्की र झोलुंङ्गे पुल पनि निर्माण भएका छन् । झापाको गलगलियादेखि धनगढीको गढ्ढाचौकीसम्म पुल बनेकै हुन् । तर, विकास भनेको यत्ति नै हो ? 

माथि जङ्गलमा डढेलो निभाउन सकिएको छैन तल सडकमा गाडी कुद्नु विकास हो ? गरिब जनताका छोरा विदेशमा शारीरिक मेहनत र खतरनाक काम गर्न जानुपर्ने अवस्थामा केही परिवर्तन आएको छैन तर हरेक डाँडामा भ्यु टावर उभ्याउनु विकास हो ? गाउँ गाउँमा बाँदर र बँदेलले किशानलाई बाली भित्र्याउन नदिएर मान्छे बसाईंसर्दैछन् अनि त्यो गाउँ जोड्ने झोलुङ्गे पुल बन्नु र वर्ष याममा बग्ने बाटो बनाउनु मात्र विकास हो ?

प्रस्तुत छ, विकासका सन्दर्भमा प्रधानमन्त्री र यो सरकारको बुझाइलाई लिएर तयार पारिएको कार्यक्रम ‘प्रतिवाद’

/> />