कास्की । मन्त्रिपरिषद्‌को आइतबार बिहान बसेको बैठकले संसद विघटन गर्न सिफारिस गरेपछि नेपाली कांग्रेस संसदीय दल गण्डकीले भर्त्सना गरेको छ ।

दलका नेता कृष्णचन्द्र नेपालीले प्रधानमन्त्रीले लिएको यो कदम असंवैधानिक, अप्रजातान्त्रिक र मुलुकलाई फेरि अस्थिरतातर्फ उन्मुख गराएको बताएका छन् ।

एक विज्ञप्ति जारी गर्दै उनले भनेका छन्, ‘‘एउटा स्थिर सरकारका लागि जनताले दिएको म्यान्डेटलाई लत्याएर आफ्नो आन्तरिक पार्टीको झगडाको कारणले मुलुकलाई अस्थिरतातर्फ लैजान खोजिएको छ, यसको घोर भत्सर्ना गर्दछु ।’’