काठमाडौं । बुटवलमा गैंडाको खाग तस्करले प्रहरीको पेस्तोल खोसेर गोली प्रहार गर्दा तस्कर समूहकै एकजना घाइते भएका छन् । बुटवलको मिलनचोकस्थित राजमार्ग चौराह र मिलनचोकको बीचमा रहेको एक होटलमा गोली चल्दा तस्कर समूहकै एकजना घाइते भएका हुन् । 

प्रहरीले घाइतेसहित तीनजनालाई पक्राउ गरेको छ । अन्य एकजना फरार भएका छन् । लुम्बीनी प्रदेशका प्रहरी प्रमुख डीआईजी रवीन्द्र धानुकले भने,“सादा पोशाकमा रहेका प्रहरी तस्करसम्म पुगेका थिए । नियन्त्रणमा लिन खोज्दा उनीहरुले प्रहरीकै पेस्तोल खोसे । प्रहरीलाई हानेको गोली आफ्नै साथीलाई लाग्यो ।”
घाइतेको लुम्बिनी प्रादेशिक अस्पताल बुटवलमा उपचार भइरहेको छ । होटलबाट खाग समेत बरामद भएको प्रहरीले जनाएको छ । 

सांकेतिक तस्बिर