काठमाडौं । नेपाली राष्ट्रिय क्रिकेट टोली मुख्य प्रशिक्षक विहीन छ । नेपाली टोलीका मुख्य प्रशिक्षक उमेश पट्वालले राजीनामा दिए यता हाल राष्ट्रिय टोली मुख्य प्रशिक्षक विहीन छ । मुख्य प्रशिक्षकका लागि दर्खास्त आह्वान गरेको केही दिनपछि नेपाली टोलीले मुख्य प्रशिक्षक पाउँदै छ । 

नयाँ प्रशिक्षकका लागि ७२ जनाले आवेदन दिएको क्यानले बताएको छ । क्यानका अनुसार त्यसबाट सुरूमा २५ जनाको सर्टलिस्ट तयार पार्दै ‘ए’ मा परेका १४ जनालाई अन्तर्वार्तामा बोलाइएको थियो । जसमा क्यानले १२ जनाको अन्तर्वार्ता लिएको क्यानका एक अधिकारीले जानकारी दिए । 
     
नेपाली टोलीले पाउने मुख्य प्रशिक्षको सम्भावनामा सफल प्रशिक्षक वाटमोर छन् । उनले नेपालको राष्ट्रिय क्रिकेट टिम सम्हाल्ने चाहना देखाएको क्यानका अध्यक्ष चतुरबहादुर चन्दले बाह्रखरीसँग बताए । ६६ वर्षीय वाटमोरले नेपाली टोलीको प्रशिक्षकका लागि अन्तर्वार्ता दिसकेका छन् ।
    
श्रीलंकन क्रिकेटलाइ ठूलो सफलता दिलाएका वाटमोर नेपाली टोलीमा आउने विषय भने क्रिकेट खेलाडी र समर्थक तथा क्यनका लागि निकै महत्वपूर्ण विषय रहेको छ । वाटमोरले आउने चाहना देखाएको हुँदा नयाँ प्रशिक्षकको विषयमा पनि उनको सम्भावना धेरै छ ।
 
अन्तर्राष्ट्रिय क्रिकेट काउन्सिल (आईसीसी) सँग परामर्श गर्ने योजना क्यानको छ । त्यसमा वाटमोर मुख्य दावेदारका रुपमा रहेका छन् । श्रीलंकाले १९९६ मा विश्वकप जित्दा वाटमोर प्रशिक्षक थिए । श्रीलंका क्रिकेटलाई ठूलो सफलता दिलाएका उनी नेपाली टोलीको प्रशिक्षक भएमा टिमले राम्रो प्रदर्शन गर्न सक्ने सबैको आंकलन छ ।
 
“नेपाली टोलीले केही दिनमा मुख्य प्रशिक्षक पाउने छ । हामी अन्तर्वार्ताको अन्तिम चरणमा छौं । मुख्य प्रशिक्षकको लागि वाटमोरले चाहना देखाएका छन् । सेवा सुविधाको विषयमा कुरा मिलेमा हाम्रो चाहना पनि उनी नै हुनेछन्,” अध्यक्ष चन्दले भने ।
 
नेपाली टोलीका मुख्य प्रशिक्षकका लागि अन्तर्वार्ता दिएका मध्य सन् २०१४ मा नेपाललाई टी–ट्वान्टी विश्वकप क्रिकेटमा पुगाउने मुख्य प्रशिक्षक पुवुदु दशानायके पनि छन् । त्यस्तै भारतका वेन्कटरा, मुकुन्द पारमर, जिम्बाब्वेका ताइबु र स्कटल्यान्डका नेइल क्याक्रेइ रहेका छन् ।
 
लामो समय कोलम्बेको राष्ट्रिय टोलीबाट खेलेका वाटमोरले सन् १९८९ मा खेल जीवनबाट सन्यास लिएका थिए । उनी १९९६ मा श्रीलंकाले विश्वकप जित्दा मुख्य प्रशिक्षक भएका वाट्मोरले श्रीलंकन टोलीलाई ठूलो सफलता दिलाए । 

वाट्मोरले इङ्लिस क्लब काउन्टी क्रिकेट टिमको मुख्य प्रशिक्षकको रुपमा पनि काम गरिसकेका छन् । उनले काउन्टीका लागि दुई राष्ट्रिय लिग र नेटवेस्ट ट्रफी जिताए । क्लब क्रिकेटमा सफलता प्राप्त गरेका उनी श्रीलंकन टिममा फर्के जहाँ उनले १९९९ मा टिममा सफलता हात पार्न नसके पनि २००३ मा भने श्रीलंकालाई सेमिफाइनलसम्म पुर्याउन सफल भए ।
 
वाट्मोरले सन् २००५ देखि २००७ सम्म बंगलादेशको मुख्य प्रशिक्षकको रुपमा काम गरे । उनलाई श्रीलंकन टोली जस्तो सफलता भने मिलेन । २०१० र २०११ मा आईपीएल टिम कोलकाता नाइट राइडर्सको प्रशिक्षक बने । वाट्मोर २०१२ मा पाकिस्तान टिमको प्रशिक्षक बने । उनको प्रशिक्षकत्वमा पाकिस्तानले एसिया कप जित्न सफल भएको थियो ।
 
लामो समय क्रिकेट प्रशिक्षकमा सफलता प्राप्त गरेका वाट्मोर नेपाली टोलीका प्रशिक्षक बनेमा नेपाललाई सफलता प्राप्त गर्ने सम्भावना छ । उनको प्रशिक्षकत्वमा रहेका टोलीको सफलताको आधारलाई लिने हो भने नेपाली टोली पनि सम्भावना बोकेको टीम हो । सन् २०१४ मा सफल प्रशिक्षक पुबुधुले विश्वकप खेलाइसकेका नेपाली टोलीले विश्वक जिताई सकेका वाटमोरबाट पनि धेरै सफलता हात पार्ने अपेक्षा क्यानको छ । त्यसको लागि क्यानले आवश्यक छलफल गरेर उनलाई नै नेपाली टोलीको प्रशिक्षकका लागि मुख्य प्रथामिकतामा राखेको छ ।