पर्सा । पर्सामा छोराको हत्या आरोपमा बाबु पक्राउ परेका छन् । ३५ वर्षीय छोरा महादेव साहलाई चक्कु प्रहार गरी हत्या गरेको आरोपमा पोखरीया नगरपालिका ६, सिर्सिया बस्ने ६५ वर्षीय लक्ष्मी साहलाई प्रहरीले पक्राउ गरेको हो ।

घरायसी वादविवादका कारण लक्ष्मीले छोरालाई चक्कु प्रहार गरी घाइते बनाएका थिए । चक्कु प्रहारबाट सख्त घाइते भएका महादेवको नेसनल मेडिकल कलेज वीरगन्जमा उपचारका क्रममा मृत्यु भएको हो ।