दाङ । दाङमा मास्क नलगाउनेलाई कारवाही गर्दा एकै दिन ८ हजार राजश्व संकलन भएको छ ।
जिल्लाका प्रमुख बजारहरु तुलसीपुर र घोराहीमा मास्क नलगाई हिँडडुल गर्नेमध्ये शुक्रबार ८० जना कारबाहीमा परेका थिए । कारबाहीमा पर्नेमध्ये १३ महिला र ६७ पुरुष रहेको जिल्ला प्रहरी कार्यालय दाङका प्रवक्ता डीएसपी सुमित खड्काले जानकारी दिएका छन् ।
बिहीबार ५२ जना कारबाहीमा परेका थिए । त्यसबाट ५ हजार २ सय राजश्व संकलन भएको थियो । मास्क नलगाइ हिँडडुल गर्नेलाई प्रहरीले प्रतिव्यक्ति एक सय रुपैंया जरिवा
ना तिराउन थालेको छ ।
दुई दिनको अवधिमा दाङमा १३ हजार २ सय राजश्व मास्क कारवाहीवाट संकलन भएको प्रहरीले बताएको छ । त्यस्तै शुक्रवार १ सय ६४ वटा सवारी साधनलाई होल्डमा राखेर सम्झाइ-बुझाइ छाडिएको डीएसपी खड्काले बताएका छन् ।
जसमा १ सय १७ मोटरसाईकल, अटो रिक्सा ३६, स्कूटर ७ र बस ४ वटा परेका थिए । त्यस्तै विहीवार २ सय ४४ सवारी साधनलाई होल्डमा राखेर छोडिएको प्रहरीले बताएको छ । त्यसरी होल्डमा राखिएकामध्ये १६५ मोटरसाइकल, अटो रिक्सा ४० वटा, स्कुटर ८ वटा र बस ३ वटा रहेको प्रहरीले जानकारी दिएको छ ।
