दाङ । सल्यानकी एक महिला तुलसीपुरमा मृत अवस्थामा फेला परेकी छन् । 

कपुरकोट गाउँपालिका वडा नं. ६ दिवाङ निवासी ४२ वर्षीया तिलसरा सार्की खोलामा मृत अवस्थामा फेला परेकी हुन् । ५ नम्बर प्रदेश प्रहरी कार्यालय तुलसीपुरका अनुसार उनी बिहीबार बिहान २५ गते तुलसीपुर उपमहानगरपालिका वडा नं. १९ स्थित तेली खोलाको बीच बगरमा मृत अवस्थामा फेला परेकी हुन ।

प्रहरीका अनुसार उनी गंगाराम सार्कीकी पत्‍नी हुन र उनको मानसिक सन्तुलन ठिक थिएन । 

तिलसरा साउन २५ गते राति घरबाट निस्किएको भन्‍ने जानकारी प्राप्त भएको प्रहरीले बताएको छ । घटनाबारे थप अनुसन्धान भइरहेको पनि प्रहरीले जानकारी दिएको छ ।