दाङ । दाङमा २९ जना नेपाली सेनामा कोरोना संक्रमण पुष्टि भएको छ ।
दाङको तुलसीपुरमा रहेको १९ बाहिनीमा कार्यरत २९ जना नेपाली सेनामा कोरोना पुष्टि भएको छ । भेरी अस्पताल नेपालगन्ज बाँकेमा गरिएको पीसीआर परीक्षणमा १९ नम्बर बाहिनीका २९ जना सेनामा कोरोना देखिएको बाहिनीले पुष्टि गरेको छ । साउन १८ गते संक्रमण देखिएका जवानको सम्पर्कमा आएका व्यक्तिको कन्ट्याक ट्रेसिङ गर्दा २९ जनामा संक्रमण देखिएको १९ नम्बर बाहिनीका सहायक बाहिनीपति अलिन सिंहले जानकारी दिए ।
प्युठानमा कार्यरत एक जवान साउन १४ गते ट्रेनिङका लागि नेपालगन्ज जाँदै गरेको समयमा स्वास्थ्य समस्या देखिएपछि साउन १६ गते स्वाब संकलन गरी परीक्षण गर्दा कोरोना संक्रमण देखिएको थियो । ती जवानमा संक्रमण देखिएपछि उनको सम्पर्कमा आएका ३१ जनाको साउन २३ गते स्वाब संकलन गरिएको थियो ।
जसमा २९ जनाको पोजिटिभ र दुईजनाको रिपोर्ट नेगेटिभ आएको हो । कोरोना संक्रमण पुष्टि भएका २९ जना सबै बाहिनीभित्रैको आइसोलेसनमा बसिरहेको सहायक बाहिनीपति सिंहले बाह्रखरीलाई जानकारी दिए ।
