काठमाडौंं । कोराना भाइरस अनि लकडाउनको सेरोफेरोलाई मुख्य कथावस्तु बनाएको शिवशंकर रिजाल उर्फ जोगिन्दर पानवालाको हास्यव्यङ्ग्यले भरिपूर्ण ‘गाईजात्रा’ लकडाउन’ सार्वजनिक भएको छ ।
जोगिन्दरको लेखन, निर्देशन र प्रस्तुतिमा तयार भएको यस भिडियोमा ‘गोजीमा दाम छैन जनताको मर्म बुझ्ने नेता कोही पनि काम छैन’ शीर्षकको प्यारोडी गीत पनि समावेश छ । जसमा गायिका राधिका हमाल र शशि विक्रम थापाले स्वर भरेका छन् ।
यस गाईजात्रा भिडियोमा पछिल्लो समयको राजनीतिक विकृति र विसंगति, भारतले अतिक्रमण गरेको नेपाली भूमि, पश्चिम रुकुममा भएको छुवाछुतसम्बन्धी विषयवस्तु माथि व्यग्य गरिएको छ ।
रिलिज भिडियोमा नायिका रोशनी केसी, गायिका राधिका हमाल, शशि थापा, कुमार गजुरेल, शिवराम कार्की, धीरेन्द्र सिंह, शंकर कार्कीले अभिनय गरेका छन् । उनले हरेक वर्ष गाईजात्रामा ‘गाईजात्रा’ भिडियो निकाल्दै आइरहेका छन् ।
