एजेन्सी । अभिनेत्री सारा अली खानका चालकमा कोरोना संक्रमण देखिएको छ । सारा लगायत बाँकी परिवार र अन्य कर्मचारीको रिर्पोट भने नेगेटिभ आएको छ ।
अभिनेत्री खानले सोमबार साँझ इन्स्टाग्राममार्फत् यस कुराको जानाकारी दिँदै लेखेकी छन्, “हाम्रा चालकमा कोरोना देखिएको छ । बीएमसीको सहयोगमा उनलाई क्वारेन्टिन पठाइएको छ । म र मेरो परिवारसहित बाँकी कर्मचारीको रिपोर्ट भने नेगेटिभ आएको छ र हामीले आवश्यक सावधानी अपनाइरहेका छौं ।”
अन्तमा उनले बीएमसीलाई धन्यवाद दिँदै सबैलाई सुरक्षित रहन पनि आग्रह गरेकी छन् ।
कोरोना भाइरस विस्तारै बलिउड कलाकारहरूको घरमा देखिन थालेको छ । यसअघि बोनी कपुर, अमिर खान र करण जौहरका कर्मचारीमा पनि कोरोना देखिसकेको छ ।
बलिउडका महानायक अमिताभ बच्चन, अभिषेक बच्चन, ऐश्वर्या र आरध्यामा पनि कोरोना संक्रमण देखिएको थियो । अहिले उनीहरूको उपचार भइरहेको छ ।
(इन्डियन एक्सप्रेस)
