चितवन । प्रजातन्त्रका सेनानी भिमप्रसाद पाठकको ९० वर्षको उमेरमा शनिबार निधन भएको छ ।  उनकै निवास भरतपुर महानगरपालिका वडा नम्बर ६ गीतानगरमा शनिबार अपरान्ह ३ बजेर ५५ मिनेट जांँदा  निधन भएको हो । 

पाठक लामो समयदेखि अस्वस्थ थिए । उनको निधनप्रति नेपाली कांग्रेस चितवनले गहिरो दुःख व्यक्त गरेको छ । 

पञ्चायत कालमा नेपाली कांग्रेस गीतानगर गाउँ कमिटीको संस्थापक सदस्य भई संगठन विस्तारका लागेका पाठकको निधनले सिंगो पार्टीलाई अपुरणीय  क्षती पुगेको कांग्रेस चितवनका सचिब राजिब न्यौपानेले बताए ।

संगठन विस्तारसँगै आवश्यक सूचनाहरु पार्टीलाई दिनुका साथै सक्रिय कार्यकर्ताको रुपमा  काम गर्दै आएका पाठकको पार्थिव शरीरमा कांग्रेस चितवनका सचिव न्यौपाने र नेता दिनेश कोईरालाले पार्टीको झण्डा ओढाएका थिए । 

उनको शनिबार साँझै देवघाटमा अन्त्येष्टि गरिएको छ । उनी तत्कालिन प्रधानमन्त्री गिरीजा प्रसाद कोईराला, शुशील कोइरालाका समकालीनको रुपमा परिचित थिए ।

पर्वतको पाँङ्गराङ्गमा मामा वि.सं. १९८७ सालमा जन्मनुभएका पाठकका श्रीमती, दुई छोरा र दुई छोरी छन् ।