काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डमाथि जुत्ता प्रहार गर्ने व्यक्तिलाई नियन्त्रणमा लिइएपछि लात्ती प्रहार गरिएको छ ।

प्रचण्डमाथि जुत्ता प्रहार गरे पनि उनलाई भने लागेन । लगत्तै प्रहरीले जुत्ता प्रहार गर्ने जुम्लाका रतन तिरुवालाई नियन्त्रणमा लिएको थियो । प्रहरीले नियन्त्रणमा लिएका बेला प्रचण्डका नजिकका व्यक्तिहरुले रतनमाथि लात्ती प्रहार गरेका थिए ।

रतनमाथि प्रचण्डका प्रेस संयोजक विष्णु सापकोटा ‘जुगल’ ले लात्ती प्रहार गरेका थिए ।