काठमाडौं । काठमाडौंमा जारी माछापुच्छ्रे बैंक कर्पोरेट सुपर सिक्सेस प्रतियोगिताअन्तर्गत मुख्य प्रयोजक माछापुच्छ्रे बैंक प्रि–क्वाटर फाइनलमा प्रवेश गरेको छ ।

तेस्रो दिनको खेलअन्तर्गत माछापुच्छ्रेले सनराइज बैंकलाई ४ विकेटले पराजित गरी प्रि–क्वाटरफाइनल यात्रा तय गरेको हो । 

क्वाटरफाइनल प्रवेशका लागि माछापुच्छ्रे बैंकले आज मंगलबार प्राइम कमर्सियल बैंकसँग प्रतिस्पर्धा गर्नेछ । कीर्तिपुरस्थित त्रिभुवन अन्तर्राष्ट्रिय क्रिकेट रंगशालामा शनिबारदेखि सञ्चालन भइरहेको माछापुच्छ्रे बैंक कर्पोरेट सुपर सिक्सेस प्रतियोगिता फागुन ७ सम्म चल्नेछ । आज प्रि–क्वाटर फाइलन तथा क्वाटर फाइनलका खेलहरू हुनेछन् । अन्तिम दिन बुधबार सेमिफाइनल तथा फाइनल खेलहरू हुनेछन् ।