दाङ । रोल्पाको लुंग्री खोलामा बस खस्दा दुईजनाको मृत्यु भएको छ । आशीर्वाद यातायातको ग १ ख ५५७३ नम्बरको बस सोमबार दिउँसो खोलामा खस्दा चालक लुंग्री गाउँपालिका-३ जुतुङखोलाका २२ वर्षीय यामबहादुर घर्ती र यात्रु लुंग्री गाउँपालिका–२ सिर्पका १९ वर्षीय सूर्यलाल जीएम चालक र एक यात्रुको मृत्यु भएको हो ।

सुनिल स्मृति गाउँपालिका-३ रुइनीबाङ जिप पार्कदेखि उत्तरतर्फबाट बस खोलामा खसेको प्रहरीले जनाएको छ । गाडी फर्काउने क्रममा बस सिँधै खोलामा खसेको थियो ।

जिल्ला प्रहरी प्रमुख प्रहरी नायब उपरीक्षक चित्रबहादुर गुरुङका अनुसार बस दुई सय मिटर तल खोलाको बीचमा खसेको छ। दुईजनाको शव निकालिएपनि बसभित्र अरु यात्रु फसिरहेको वा नरहेको केही खुलेको छैन ।

खोलाको खोँचमा बस दुर्घटनाग्रस्त अवस्थामा छ । पानीको बहाव धेरै भएकाले उद्धारमा कठिनाई भइरहेको छ। बस फर्काउन जानेक्रममा बसभित्र तीन जना मानिस रहेको अनुमान गरिएको छ। यद्यपी, यसको पुष्टि भने हुन नसकेको प्रहरी नायब उपरीक्षक गुरुङ्ले बताए ।