काठमाडौं । एनआईडीसी डेभलपमेन्ट बैंकको चालु आर्थिक वर्षको पहिलो त्रैमाशमा नाफा आधा घटेको छ ।

चालु आवको पहिलो त्रैमाशमा बैंकले २ करोड १० लाख रुपैयाँ नाफा गरेको छ । अघिल्लो आवको सोही अवधिमा बैंकले ४ करोड बढी नाफा कमाएको थियो । गत आवमा बैंकले कुल ४० करोड ४८ लाख रुपैयाँ नाफा गरेको थियो । बैंकको खराव कर्जा अनुपात बढी रहेकाले व्यवस्थापन गर्दा नाफा घटेको देखिन्छ । बैंकले सोमबार सार्वजनिक गरेको पहिलो त्रैमाशको वित्तीय विवरण अनुसार खराव कर्जा झन्डै १६ प्रतिशत हाराहारीमा पुगेको छ । 

चालु आवमा बैंकले १ अर्ब ५४ करोड रुपैयाँ निक्षेप परिचालन गरेको छ । समीक्षा अवधिमा बैंकले २ अर्ब २९ करोड रुपैयाँ लगानी गरेको छ । बैंकको प्रतिसेयर आम्दानी २० रुपैयाँ बढी छ । बैंकका चुक्तापुँजी ४१ करोड ५८ लाख रुपैयाँ छ । आगामी असारसम्म बैंकले चुक्तपुँजी बढाएर साढे २ अर्ब रुपैयाँ पु¥याउनु पर्ने छ ।