काठमाडौं । सिटिजन्स बैंक इन्टरनेसनल लिमिटेडले संस्थागत सामाजिक उत्तरदायित्व कार्यक्रमअन्तर्गत रक्षा नेपाललाई दैनिक उपभोग्य खाद्यान्न सामग्री र सेनेटरी प्याड सहयोग प्रदान गरेको छ । बैंकले एक समारोहबीच रक्षा नेपाललाई सामग्रीहरू हस्तान्तरण गरेको हो ।

बैंकको यो सहयोगप्रति धन्यवाद ज्ञापन गर्दै संस्थाले आगामी दिनमा पनि महिला र बालबालिकाको अधिकारको लागि कार्यहरू गर्दै जाने हौसला मिलेको जनाएको छ ।

समाजमा उल्लेखनीय मानवीय कार्य गर्दै आएको संस्थालाई सहयोग गर्न पाउँदा संस्थाको सञ्चालनमा केही सहजता हुने विश्वास बैंकले लिएको छ । आगामी दिनमा पनि बैंकले संस्थागत सामाजिक उत्तरदायित्व कार्यक्रमअन्तर्गत सामाजिक, आर्थिक, सांस्कृतिक, शैक्षिक आदि जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम सञ्चालन गर्ने योजना रहेको जनाएको छ ।