काठमाडौं । नेपाल टेलिकमले तत्कालका लागि टेलिफोन र इन्टरनेटको शूल्क नबढाउने भउको छ । सरकारले आगामी आर्थिक वर्षदेखि नेपाल टेलिकमले उपलब्ध गराउने केही सेवामा टेलिकम सेवा शुल्क बढाउने बताएपनि हाललाई पहिलेकै दरमा ती सेवाहरु उपलब्ध गराउने भएको हो ।
टेलिफोन तथा इन्टरनेट शूल्क तत्कालका लागि समायोजन नगर्ने टेलिकमको योजनाअनुरुप टेलिकमले मनसुन अफरको रुपमा विभिन्न प्याकेज उपलब्ध गराउने भएको हो । मनसुन अफर साउन १ गते देखि लागू हुनेछ ।
सरकारले आगामी साउन १ गते देखि लागू हुने गरी भ्वाइस सेवामा टेलिकम सेवा शुल्क ११ प्रतिशतबाट बढाएर १३ प्रतिशत पुर्याएको छ । त्यसैगरी डाटा सेवामा १३ प्रतिशत सेवा शुल्क तिर्नु पर्ने भएको छ । अहिले डाटा सेवा प्रयोग गर्दा टेलिकम सेवा शुल्क तिर्नु पर्र्दैन । यसर्थमा भ्वाइस र डाटा दुवैमा १३ प्रतिशत टेलिकम सेवा शुल्क तिर्नुपर्ने भएको हो ।
एडीएसएल लगायत विभिन्न प्याक विशेष लोकप्रिय भएकाले ग्राहकहरुलाई थप आर्थिक भार नपर्ने गरी कम्पनीले पहिलेकै दरमा सेवा उपलब्ध गराइएको हो । त्यसअन्तर्गत, कम्पनीले पहिले देखि नै उपलब्ध गराएका विकेन्ड प्याक, नाइट टाइम अनलिमिटेड डाटा प्याक, जीएसएम थ्रीजी–फोरजी १ जीबी पर डे प्याक, सीयूजी प्याकेज, भिडियो एन्ड टीभी स्ट्रिमिङ आवरली प्याक, एडीएसएलका विभिन्न प्याकेज र इन्डिया अफर अन्तर्गत डेली प्याक र विक्ली प्याक पहिलेकै दरमा उपलब्ध गराइएको छ ।
कम्पनीले उपलब्ध गराएका विभिन्न प्याकेजहरुमा २५ देखि ५० प्रतिशत सम्म बोनस उपलब्ध गराइएको छ ।
नेपाल सरकारले आगामी आर्थिक वर्षको बजेटमा गरेको व्यवस्था अनुसार अल टाइम भ्वाइस प्याक, नाइट टाइम भ्वाइस प्याक, एसएमएस प्याकेज, मिस्ड कल एलर्ट र एफटीटीएच लगायतका विभिन्न प्याकेजको मूल्य समायोजन गरिएको छ ।
