काठमाडौं । वीरगञ्जमा रहेको सुपर ग्यास उद्योगमा आगलागी हुँदा २ जनाको मृत्यु भएको छ ।

बिहानै उक्त ग्यास उद्योगमा आगलागी भएको प्रहरीले जनाएको छ । आगलागीमा परेर २ जनाको मृत्यु भएको बताइएको छ भने भित्र कति कामदार थिए भन्ने एकिन हुन सकेको छैन । 

वीरगञ्ज महानगरपालिकाको आगो निभाउन गएको दमकल पनि जलेको बताइएको छ ।

आगलागीपछि स्थिति भयावह बनेको बताइएको छ । थप बारुणयन्त्र पनि अहिले घटनास्थलमा पुग्न सकेका छैनन् । नजिकका बस्ती खाली गरिएको बताइएको छ ।